60-ամյակիս ընդառաջ` իմ ցանկություններն ամբողջությամբ չեն կատարվել. Սերժ Սարգսյան

Հունիսի 30-ին լրանում է ՀՀ նախագահ Սերժ Սարգսյանի 60-ամյակը: Այսօր` Հանրային հեռուստաընկերության «Հարցազրույց» ծրագրի ընթացքում, պատասխանելով հարցին, թե ինչպես է պատրաստվում հոբելյանական տարեդարձին, Սարգսյանն ասել է, որ առանձնապես չի պատրաստվում, և 60-ամյակին ընդառաջ` իր ցանկություններն ամբողջությամբ չեն կատարվել:

Սերժ Սարգսյանն ասել է, որ իր 65-ամյակը կցանկանար դիմավորել ազատ Արցախով, հստակ հաստատված խաղաղությամբ, արագ տեմպերով զարգացող Հայաստանում և նույնչափ արագ տեմպերով ներգաղթի երևույթներով:

«Կցանկանամ, որ բոլոր նրանք, ովքեր նշում են իրենց ծննդյան տարեդարձները, կատարված ցանկություններով դիմավորեն»,- ասաց Սերժ Սարգսյանը: