Հայաստանը Սերբիային 100 հազար դոլարի օգնություն կցուցաբերի

Հայաստանն ուզում է 100 հազար դոլար նվիրաբերել Սերբիային: Կառավարության վաղվա նիստի ժամանակ գործադիրի հավանությանը կներկայացվի որոշման նախագիծ, որով արտգործնախարարությունը խնդրում է Հայաստանի Հանրապետության 2014 թվականի պետական բյուջեով նախատեսված կառավարության պահուստային ֆոնդի հաշվին իրեն 100 հազար ԱՄՆ դոլարին համարժեք դրամ տրամադրել Սերբիայի Հանրապետությանն օգնություն ցուցաբերելու նպատակով:

Հիշեցնենք, որ Սերբիային պատուհասել էր ջրհեղեղը, որի վնասը, ինչպես հայտարարել էր երկրի վարչապետ Ալեքսանդր Վուչիչը, գնահատվել է մոտ 1 մլրդ եվրո: Արտերկրից ստացված օգնությունը կարող է ծածկել վնասի մոտ 20%-ը։