Օպերայի թատրոնի նորանշանակ տնօրենը խուսափո՞ւմ է լրագրողներից

Այսօր ակումբներից մեկում տեղի ունեցավ ասուլիս, որի հյուրերն էին Ալ. Սպենդիարյանի անվան օպերայի և բալետի ազգային ակադեմիական թատրոնի փոխտնօրենը, երաժիշտներ:

Նախապես հայտարարվել էր, որ ասուլիսին պետք է ներկա լիներ նաև թատրոնի տնօրեն Անդրանիկ Արզումանյանը, ընդ որում` ասուլիսը պետք է կայանար մայիսի 29-ին, սակայն հետաձգվել էր, քանի որ ասուլիսին մասնակցելու ցանկություն էր հայտնել նաև Արզումանյանը:

Սակայն ասուլիսին տնօրենն այդպես էլ չներկայացավ: Թե ինչո՞ւ է Արզումանյանը խուսափում լրագրողներից, պարզ չէ, քանի որ մինչ այդ նա yerkir.am-ի հետ զրույցում էլ նշել էր, որ առաջիկայում անպայման հանդես կգա մամուլի ասուլիսով: