Ես իմ նախորդների մասին բացասական չեմ խոսում. ՀՀ վարչապետ

ԱԺ նիստում ՀՀ վարչապետ Հովիկ Աբրահամյանը պատասխանեց ԱԺ ՀԱԿ խմբակցության պատգամավոր Լյուդմիլա Սարգսյանի այն հարցին, թե ի՞նչ գնահատական կտա Տիգրան Սարգսյանի թողած ժառանգությանը: Նա ասաց. «Հասկանում եմ, որ ինձանից ուզում եք ստանալ բացասական գնահատական, սակայն ես իմ նախորդների մասին երբեք բացասական կարծիք չեմ հայտնում, դա իմ տեսակն է»:

Ինչ վերաբերում է «ատկատների» դեմ պայքարի վերաբերյալ հարցին, վարչապետը նշեց, որ այդ երևույթի վերացման համար պատրաստվում է համագործակցել քաղաքական և քաղաքացիական ուժերի հետ:

«Ես այդպես եմ պատկերացնում պայքարը «ատկատի» դեմ: Դա միայն վարչապետի և կառավարության խնդիրը չէ, ակնկալում եմ բոլորի աջակցությունը, ես յուրաքանչյուր հարցի շատ օպերատիվ կարձագանքեմ»,- ասաց Հովիկ Աբրահամյանը: