Լատվիան երկյուղում է, որ Ուկրաինայից հետո հերթը իրեն կհասնի. The Wall Street Journal

23 տարի առաջ անկախացած Լատվիան վախենում է Ուկրաինայից հետո հայտնվել Ռուսաստանի տեսադաշտում: Այդ մասին, ինչպես հայտնում է Газета.Ru-ն,  ասվում է  The Wall Street Journal-ի հոդվածում:

Ըստ պարբերականի՝ այդ մտավախությունները  կան բոլոր Մերձբալթյան երկրներում, նաև` Լիտվայում և Էստոնիայում: Սակայն Լատվիան այդ երկրներից ամենառուսաստանյանն է: Դա է պատճառը, որ Ղրիմի դեպքերն առանձնահատուկ արձագանք գտան Լատվիայում:

Հոդվածի հեղինակները նաև նշում են, որ  Ռուսաստանի դեմ պատժամիջոցները կարող են լրջորեն անդրադառնալ Լատվիայի տնտեսության վրա, որը սերտ կապված է իր «մեծ հարևանի» հետ: Բացի այդ`  հիշատակվում է այդ երկրում էթնիկ լատիշների և էթնիկ ռուսների հարաբերությունների բարդ բնույթը: