Բռնցքամարտ. Նարեկ Մանասյանը նույնպես նվաճեց կիսաեզրափակիչի ուղեգիր

Բուլղարիայի մայրաքաղաք Սոֆիայում ընթացող բռնցքամարտի երիտասարդների աշխարհի առաջնությունում Հայաստանի համար կիսաեզրափակիչի երկրորդ ուղեգիրը նվաճեց Նարեկ Մանասյանը: 81 կգ քաշային մեր բռնցքամարտիկը ¼ եզրափակիչում գեղեցիկ ոճով առավելության հասավ լեհ Ռաֆայել Ստասզևսկու նկատմամբ: Ի դեպ, Նարեկը հաղթեց բացահայտ առավելությամբ:  Երրորդ ռաունդում մեր մարզիկը նույնիսկ նոկդաունի ենթարկեց իր մրցակցին:

Ավելի վաղ կիսաեզրափակիչի ուղեգիր էր նվաճել նաև Անուշ Գրիգորյանը, ով վստահ հաղթանակ էր տոնել անգլիացի Կրիստալ Բարկերի նկատմամբ:

Հիշեցնենք, որ աշխարհի առաջնությունում մրցանակային տեղեր գրաված մարզիկները հնարավորություն կստանան մասնակցելու Նանջինգում կայանալիք պատանեկան օլիմպիական խաղերին: