Լավ բժիշկներ էլ կան

Մենք ամեն օր լսում ու կարդում ենք բժիշկների մասին, ովքեր թերացել են իրենց աշխատանքում: Մենք լսում ենք բժիշկների մասին, ովքեր անուշադրություն են ցուցաբերում հիվանդի նկատմամբ, կամ ամեն ինչ գումարով են չափում: Բայց հավատացեք, այսօր մեր կողքին կան իրենց մասնագիտական պարտքը լավագույնս կատարող եւ հիվանդի նկատմամբ անչափ ուշադիր բժիշկներ: Նրանցից մեկն էլ Սուրբ Գրիգոր Լուսավորիչ բժշկական կենտրոնի հեմոդիալիզի բաժանմունքի բժիշկ Դիաննա Ալոյանն է: Նրա շնորհիվ է նաեւ, որ ես այսօր արդեն տանն եմ՝ երեխաներիս կողքին: Ուզում եմ շնորհակալություն հայտնել՝ նրա անչափ ուշադրության եւ հոգատարության համար, որն օգնեց ինձ ոտքի կանգնել:

Հասմիկ Օրդինյան

ընթերցող