Լավ, լավ, լավ, ես դեռ շարունակում եմ շփոթել. Արարատ Միրզոյանը նիստը վարելիս շփոթվում է

ԱԺ նորընտիր նախագահ Արարատ Միրզոյանը դեռևս վարժ չի վարում նիստերը: Մշտական հանձնաժողովների նախագահների թեկնածուների հարցի քննարկման ժամանակ  նա շփոթվեց:

Պետաիրավական հարցերի մշտական հանձնաժողովի նախագահի թկենածու Վլադիմիր Վարդանյանին ներկայացնելու համար ձայնը տրվեց «Իմ քայլը» խմբակցության պատգամավոր  Սուրեն Գրիգորյանին: Երբ Գրիգորյանը ներկայացրեց Վարդանյանին, Միրզոյանը հայտարարեց մտքերի փոխանակության ժամ: «Մտքերի փոխանակության, ելույթների համար խնդրում եմ գրանցվել»,- ասաց նա:

Նրան հուշեցին, որ պետք է թեկնածուին խոսքի իրավունք տար: «Լավ, լավ, լավ, սիրելի' գործընկերներ, ես դեռ շարունակում եմ շփոթել, թեկնածուի խոսքը չենք լսել, հետևաբար` մտքերի փոխանակում չի կարող լինել»,- ասաց Միրզոյանը և խոսքը տվեց Վարդանյանին: