Պերուի դռները բաց են դիվանագիտական անձնագրերով հայերի համար

«Հայկական ժամանակ» թերթը գրում է. «Դիվանագիտական անձնագրեր կրող ՀՀ քաղաքացիները շուտով կարող են առանց վիզայի մուտք  գործել Պերուի Հանրապետություն։ ՀՀ արտգործնախարարությունը կառավարության մարտի 27-ի նիստի օրակարգ է ներկայացրել Հայաստանի եւ Պերուի կառավարությունների միջեւ դիվանագիտական անձնագրեր կրողների համար մուտքի արտոնագրի պահանջի վերացման մասին համաձայնագրի կնքման նախագիծը։

Փաստաթղթի կնքման նպատակահարմարությունը նախարար Էդվարդ Նալբանդյանը պայմանավորել է ՀՀ-ի եւ Պերուի Հանրապետության միջեւ բարեկամական եւ համագործակցային հարաբերությունների զարգացմամբ եւ ամրապնդմամբ, հատկապես որ կողմերը միմյանց պետությունների տարածքում դիվանագիտական ներկայացուցչություններ չունեն»։

Առավել մանրամասն` թերթի այսօրվա համարում: