Կառավարությունը կծախսի 660 հազար դրամ` 2 սքաներ գնելու համար

Կառավարությունը վաղը կթույլատրի ՀՀ դատախազությանը` ձեռք բերել հաստատված տեխնիկական բնութագրերի պարամետրերից տարբերվող տեխնիկական բնութագրերով և սահմանված առավելագույն գինը գերազանցող գնով ապրանքատեսակ:

Ըստ այդմ` դատախազությունը պետք է ձեռք բերի 2 հատ A4 ֆորմատի պլանշետային սքաներ` փաստաթղթերի ավտոմատ սքանավորման հնարավորությունով (ADF): Այս սքաներներից յուրաքանչյուրի արժեքը 330 հազար դրամ է, իսկ դրանք ձեռք բերելը, ըստ ներկայացված որոշման նախագծի, պայմանավորված է ՀՀ դատախազության համակարգում «Mulberry» (էլեկտրոնային փաստաթղթաշրջանառության համակարգ) ծրագրի ներդրմամբ պայմանավորված` արագագործ սքաներներ ունենալու անհրաժեշտությամբ: