Արդարադատության նախարարությունը աշխատակազմի նոր ղեկավար ունի

Կառավարության այսօրվա նիստում արդարադատության նախարար Հրայր Թովմասյանը կառավարության հաստատմանը ներկայացրեց Կամո Ադամյանին արդարադատության նախարարության աշխատակազմի ղեկավար նշանակելու մասին որոշման նախագիծը:

Արդարադատության նախարարության աշխատակազմի նախորդ ղեկավարի աշխատանքից ազատվելուց հետո այդ պաշտոնը թափուր էր մնացել, և Կամո Ադամյանը զբաղեցնում էր ժամանակավոր պաշտոնակատարի պաշտոնը:

Որոշման նախագծի ներկայացման ժամանակ Հրայր Թովմասյանը նշեց, որ Կամո Ադամյանը քաղաքացիական ծառայության ոլորտում բազմամյա փորձ ունի, հաջողությամբ հանձնել է քաղծառայողների որակավորման քննությունները եւ համապատասխանում է այս պաշտոնին: