Պուտինը եւ Օբաման հեռախոսով քննարկել են Սոչիի օլիմպիական խաղերի անվտանգությունը

ՌԴ նախագահ Վլադիմիր Պուտինը եւ ԱՄՆ նախագահ Բարաք Օբաման հեռախոսով քննարկել են Սոչիում կայանալիք օլիմպիական խաղերին նախապատրաստությունը. հայտնում է РИА Новости-ն:

Երկու երկրների առաջնորդները քննարկել են ռուս-ամերիկյան շահերի ապահովման հարցեր, այդ թվում՝ Սոչիում օլիմպիական խաղերի անվտանգ անցկացումը, ինչի կապակցությամբ ԱՄՆ-ն առաջարկել է իր լիակատար աջակցությունը:

Ավելի վաղ Կրեմլի մամուլի ծառայությունը նշել էր, որ Պուտինը եւ Օբաման հեռախոսով քննարկել են հունվարի 22-ին շվեյցարական Մոնտրյո քաղաքում Սիրիայի հարցով մեկնարկող «Ժնև-2» համաժողովի թեման և Իրանի միջուկային խնդրի կարգավորման պայմանավորվածությունները։