Յանուկովիչը շտապ մեկնել է Վիեննա

Ուկրաինայի նախագահ Վիկտր Յանուկովիչն այսօր երկօրյա պաշտոնական այցով մեկնել է Վիեննա: Այցը կատարվում է ուկրաինական խորհրդարանի կողմից օրենքի քվեարկության նախօրեին, որը հնարավորություն կտա արտերկիր բուժման ուղարկել ազատազրկված նախկին վարչապետ Յուլյա Տիմոշենկոյին և կապահովի ԵՄ-ի հետ ասոցացման համաձայնագիր ստորագրելու գլխավոր պայմանի կատարումը. հայտնում է РИА Новости-ն:

Յանուկովիչը Վիեննայում հանդիպում կունենա Ավստրիայի նախագահ Հայնց Ֆիշերի հետ: Ծրագրված են նաև հանցավորության դեմ պայքարում համագործակցության մասին միջկառավարական համաձայնագրի ստորագրում և դրան հաջորդող` երկու նախագահների համատեղ մամուլի ասուլիս: