Արմեն Ռուստամյանը դուրս եկավ նախագահի նստավայրից

Քիչ առաջ ԱԺ ՀՅԴ խմբակցության ղեկավար Արմեն Ռուստամյանը դուրս եկավ ՀՀ նախագահի նստավայրից: Նա Պռոշյանի գյուղապետ Հրաչ Մուրադյանի սպանության բացահայտումը պահանջող երթի մասնակիցներին տեղեկացրեց, որ հանդիպել է նախագահի ներկայացուցչի հետ եւ նամակը հանձնել նրան:

ՀՅԴ պատգամավորին նախագահի նստավայրում պատասխանել են, որ նամակն անմիջապես կփոխանցեն նախագահին:

Ռուստամյանը միաժամանակ հույս հայտնեց, որ նախագահն ամեն ինչ կանի, որ Հրաչ Մուրադյանի սպանության բացահայտումը լինի պետական  մակարդակով:

«Մենք կտեսնենք նախագահի անմիջական քայլերը, այդ ուղղությամբ շարունակելու ենք մեր պահանջատիրությունը, մենք սրանով չպետք է բավարարվենք, Հրաչի սպանության բացահայտումը մեզանից յուրաքանչյուրի պատվի հարցն է»,- հայտարարեց պատգամավորը: