Սաուդյան կանայք անհնազանդության ակցիա են կազմակերպում

Սաուդյան Արաբիայի կանայք` ավելի քան 5 հազար մարդ, հոկտեմբերի 26-ին պատրաստվում են նստել մեքենաների ղեկին` խախտելով թագավորության ավանդույթները, որոնք արգելում են կանանց մեքենա վարել: «Վարելու իրավունքը մեր ընտրությունն է» խորագրով ակցիան մեկնարկել է սոցիալական ցանցերում եւ 2 օրվա ընթացքում ավելի քան 5 հազար կողմնակից ձեռք բերել:

«Շարիաթում որեւէ հիշատակում չկա, որ կանանց արգելվում է մեքենա վարել: Եթե նույնիսկ լիներ, մենք ապրում ենք ժամանակակից աշխարհում, որն ինքն է օրենքներ թելադրում: Դա պարզապես առօրեական անհրաժեշտություն է»,- նշել են շարժման ակտիվիստուհիները:

Ի դեպ, կանանց ակցիայի անցկացման համար ձերբակալություն եւ մեծ տուգանք է սպառնում: