Մոտոկրոսի Հայաստանի առաջնություն` նվիրված Ժիրայր Ասատրյանի հիշատակին (ֆոտո)

Երևանում ավարտվել է մոտոկրոսի Հայաստանի առաջնությունը, որը նվիրված էր Հայաստանի մոտոսպորտի առաջին սպորտի վարպետ, ավտոմոտոսպորտի բազմակի մրցանակակիր Ժիրայր Ասատրյանի հիշատակին: Նրա մահից անցել է մեկ տարի, այս մրցաշարը անցկացվում է արդեն երկրորդ անգամ:

Մրցաշարի հովանավորներն էին «Վիվառո»-ն, «Ռեդ Բուլլ»-ը, «Ռոյալ Արմենիա» ընկերությունները:

Մոտոկրոսի Հայաստանի առաջնությանը մասնակցում էին 14 մարզիկներ: Հայաստանի չեմպիոն հռչակվեց Հրանտ Սարկիսովը, ով անցած տարի նույնպես կանգնել էր պատվո հարթակի առաջին աստիճանին:

Մրցույթի կազմակերպիչները և հովանավորները նման մրցաշարերի անցկացումը շատ են կարևորում, քանի որ սպորտաձևը Հայաստանում զարգացած չէ, նրանց կարծիքով՝ նման միջոցառումները կնպաստեն այս սպորտաձևի առաջընթացին: