ԵՄ-ն չի դադարում խոսել ճնշումների մասին

Սեպտեմբերի 7-ին Վիլնյուսում հավաքված ԵՄ երկրների արտգործնախարարները Ռուսաստանին նախազգուշացրել են, որ չարժե ճնշել Արեւմուտքի հետ սերտ հարաբերությունների ձգտող հարեւաններին: ԵՄ արտաքին գործերի եւ անվտանգության քաղաքականության հարցերով գերագույն հանձնակատար Քեթրին Էշթոնի հետ հանդիպումից հետո նախարարներն ասել են, որ այդ երկրները մեծ ճնշումների են ենթարկվում:

Քեթրին Էշթոնը լրագրողների հետ զրույցում ասել է, թե իրենք ցանկանում են, որպեսզի գործընկեր երկրները կարողանան ինքնուրույն որոշել իրենց տնտեսական եւ քաղաքական հարաբերությունները:

Լիտվայի արտգործնախարար Լինաս Լինկեւիչուսն էլ նշել է, թե քանի դեռ Ռուսաստանի կողմից ճնշումներ են նկատվում եւ խորանալու միտում ունեն, կարեւոր է, որ հարցը մնա ԵՄ աշխատանքային օրակարգում: