Սյունիքը կրկին օդանավակայան կունենա

Կապանի օդանավակայանը հնարավոր է վերագործարկվի: Ոլորտի պատասխանատուները աշխատանքային այցով Սյունիք այցելած փոխվարչապետ, տարածքային կառավարման նախարար Արմեն Գեւորգյանին են ներկայացրել վերագործարկման ծրագիրը:

ՏԿՆ մամլո ծառայությունից հայտնում են, որ օդանավակայանի շահագործումը փոխվարչապետը կարեւոր է համարել մարզի բնակչության համար'նշելով, որ ծրագրի իրականացման համար առկա է նաեւ ՀՀ Նախագահի հանձնարարականը: Պայմանավորվածություն է ձեռք բերվել, որ մարզպետը նաեւ տարածաշրջանի գործարարների հետ քննարկի ծրագիրը, եւ վերջնական ֆինանսական հաշվարկներն ու առաջարկությունները սեպտեմբերին ներկայացվեն կառավարություն: