Կարմիր Խաչի աշխատակիցները հանդիպել են Հակոբ Ինջիղուլյանի հետ

Կարմիր Խաչի՝ Բաքվի գրասենյակի ներկայացուցիչները հանդիպում են ունեցել Ադրբեջանի կողմից գերության մեջ պահվող Արցախի ՊԲ ժամկետային զինծառայող Հակոբ Ինջիղուլյանի հետ. այս մասին Apa.az-ին հայտնել է կազմակերպության հասարակայնության հետ կապերի բաժնի ղեկավար Իլահա Հուսեյնովան:

Նրա խոսքով՝ այցելությունը տեղի է ունեցել այսօր: Գերուն տեղեկություն է փոխանցվել նրա ընտանիքի մասին և հակառակը:

Հիշեցնենք, որ օգոստոսի 7-ի լույս 8-ի գիշերը` ժամը 3:00-ի սահմաններում, ծառայությունն իրականացնելու ժամանակ, ըստ նախնական տեղեկությունների՝ տեղանքում չկողմնորոշվելու հետեւանքով 1991թ. ծնված շարքային զինծառայող Հակոբ Գեւորգի Ինջիղուլյանը հատելով ղարաբաղա-ադրբեջանական սահմանը, հայտնվել է հակառակորդի պահպանության տակ գտնվող տարածքում: