Սուրիկ Խաչատրյանի որդին թմրանյութի ազդեցության տակ է եղել

Aravot.am-ի տեղեկություններով` նախաքննական մարմինը Արտակ Բուդաղյանի և Սուրիկ Խաչատրյանի փաստաբաններին ներկայացրել է գործով փորձաքննությունների եզրակացությունները:

Փորձաքննության եզրակացությամբ հաստատվել է կայքի` ավելի վաղ հրապարակած տեղեկությունը, որ Սուրիկ Խաչատրյանի որդին` Տիգրան Խաչատրյանը, դեպքի օրը եղել է թմրանյութի ազդեցության տակ:

Սուրիկ Խաչատրյանի որդու փաստաբանը` փաստաբանների պալատի նախագահ Ռուբեն Սահակյանը, aravot.am-ի հետ զրույցում միայն ասել է, որ  7-8 փորձաքննության եզրակացության է ծանոթացել. «Ավելին չեմ կարող ասել: Նախաքննական տվյալներ ես չեմ կարող հրապարակել»:

Փորձաքննության արդյունքների մասին հրաժարվել է խոսել նաև Ա. Բուդաղյանի փաստաբան Հայկ Ալումյանը: