Թուրքիայի փոխվարչապետը դրական է գնահատել ցուցարարների բողոքի նոր տեսակը

Թուրքիայի փոխվարչապետ Բյուլենթ Արընչը դրական է գնահատել ընդդիմության բողոքի նոր տեսակը: Քաղաքական գործիչը գովել է «խաղաղ կանգնելու» տակտիկա կիրառող ցուցարարներին, քանի որ այն բռնություն չի հրահրում. հայտնում է Associated Press-ը:

Նրա խոսքերով` նման ակցիաները շատ են ուրախացնում: Միաժամանակ, Արինչը զգուշացրել է ցուցարարներին, որ երկար ժամանակ անշարժ կանգնելը վնասակար է առողջության համար:

Հիշեցնենք, որ ցուցարարների ակցիաները ուղղված են Գեզի այգու վերանորոգման և վարչապետ Ռեջեփ Թայիփ Էրդողանի վարչակազմի դեմ: Շաբաթներ տևող բախումներից հետո ցուցարարները անցել են պայքարի նոր ձևի: Նրանք ժամերով անշարժ կանգնում են` ի նշան բողոքի: