ԵԱՀԿ գործող նախագահն ընդունել է ԵԱՀԿ ՄԽ համանախագահներին

ԵԱՀԿ գործող նախագահ, Ուկրաինայի արտգործնախարար Լեոնիդ Կոժարան երեկ Կիեւում ընդունել է ԵԱՀԿ Մինսկի խմբի համանախագահներ Իգոր Պոպովին, Ժակ Ֆորին, Յան Քելիին եւ ԵԱՀԿ գործող նախագահի` ԼՂ հակամարտության հարցով անձնական ներկայացուցիչ Անջեյ Կասպրշիկին. տեղեկացնում է ԵԱՀԿ կայքը:

Հանդիպման ընթացքում քննարկվել են Ղարաբաղյան հակամարտության կարգավորմանը վերաբերող հարցեր: Համանախագահները Կոժարային ներկայացրել են բանակցային գործընթացի ընթացիկ իրավիճակը, նաեւ Հայաստանի եւ Ադրբեջանի արտգործնախարարների հետ վերջին հանդիպումների արդյունքները:

Կարծիքներ են փոխանակվել հաջորդ շաբաթ ԵԱՀԿ գործող նախագահի` Հայաստան եւ Ադրբեջան այցի վերաբերյալ: Կոժարան հաստատել է Ուկրաինայի պատրաստակամությունը իր ավանդն ունենալ ԵԱՀԿ ՄԽ ջանքերում` ուղղված հակամարտության խաղաղ կարգավորմանը: