Բրիտանացիների սպառողական զամբյուղում տեղ են գտել էլեկտրոնային գրքերը

Բրիտանիայի ազգային վիճակագրության վարչությունը վերանայել է սպառողական զամբյուղի պարունակությունը եւ դրանում ավելացրել էլեկտրոնային գրքերը` այդ ապրանքի աճող հեղինակության կապակցությամբ. գրում է The Telegaph-ը: Այսուհետ այդ ապրանքն էլ հաշվի կառնվի երկրում ինֆլյացիայի մակարդակը հաշվարկելիս:

Վիճակագրական ծառայությունն ամեն տարի վերանայում է 700 տեսակ ապրանքից եւ ծառայությունից բաղկացած սպառողական զամբյուղը: Այսպես` այս տարի զամբյուղից հանվել է բարերում եւ ռեստորաններում շամպայն գնելու ծախսը, քանի որ բրիտանացիներն ավելի քիչ են այնտեղ ժամանակ անցկացնում տնտեսական խնդիրների պատճառով: Դրա փոխարեն զամբյուղում ավելացվել է սպիտակ ռոմը:

Իսկ, օրինակ, անցյալ տարի սպառողական զամբյուղում տեղ էին գտել պլանշետները եւ երիտասադրական գրքերը, օրինակ` «Մթնշաղ»-ը: