Ադրբեջանական ոստիկանությունն ի վիճակի չէ միջազգային չափանիշներով գործել. HRW

Հեղինակավոր Human Rights Watch իրավապաշտպան կազմակերպությունը քննադատել է Ադրբեջանի իշխանություններին մարտի 10-ին Բաքվում տեղի ունեցած բողոքի ակցիայի ժամանակ ցուցարարներին ձերբակալելու և ցրելու կոպիտ մեթոդների համար:

 «Ադրբեջանի ոստիկանությունը ծայրահեղ ուժ է գործադրել ցուցարարների նկատմամբ: Կառավարությունը պետք է անհապաղ ազատ արձակի ձերբակալվածներին: Ադրբեջանական ոստիկանությունն ի վիճակի չէ միջազգային ստանդարտներին համապատասխան գործել` ամբոխը ցրելու խաղաղ միջոցներով»,- գրված է Human Rights Watch-ի զեկույցում, որում նաև պահանջ է դրվում` բոլոր ձերբակալվածներին տրամադրել փաստաբաններ, ինչպես նաև դադարել ուժի կիրառմամբ նրանցից կորզված ինքնախոստովանական ցուցմունքները հեռարձակել: