″Գարեգին Նժդեհ″ ֆիլմի պրեմիերան` հունվարի 28-ին

«Գարեգին Նժդեհ» գեղարվեստական լիամետրաժ ֆիլմի պրեմիերան կկայանա հունվարի 28-ին «Մոսկվա» կինոթատրոնում. այս մասին yerkir.am-ին տեղեկացրին կինոթատրոնից:

Ֆիլմի ռեժիսորը Հրաչ Քեշիշյանն է, երաժշտության հեղինակը Հայկոն: Ֆիլմում փորձ է արվել ստեղծել Նժդեհի էկրանային ճիշտ կերպարը` հայրենասերի, փիլիսոփայի եւ պարզապես հասարակ մահկանացուի:

Գլխավոր հերոսի կյանքը եւ գործունեությունը ներկայացված է երկու ժամանակահատվածներում. երիտասարդ Նժդեհին մարմնավորել է դերասան Շանթ Հովհաննիսյանը, իսկ արդեն հասուն զորավարին` Արտաշես Ալեքսանյանը:

«Գարեգին Նժդեհ» գեղարվեստական կինոնկարը պատմում է հայազգի պանծալի զավակ, սպարապետ Գարեգին Նժդեհի անցած ռազմական փառապանծ ու դժվարին ուղու մասին՝ ընդգրկելով զորավարի կյանքի հայտնի, ինչպես նաև ոչ այնքան լուսաբանված դրվագները: