Մայքլ Ջեքսոնի բժշկին մեղավոր են ճանաչել (տեսանյութ)

ԱՄՆ ատենակալների դատարանը մեղավոր է ճանաչել Մայքլ Ջեքսոնի բժիշկ Կոնրադ Մյուրեյին, որը մեղադրվում էր երգչի չկանխամտածված սպանության մեջ. տեղեկացնում է ИТАР-ТАСС-ը:

«Որոշումն ընդունվել է միաձայն եւ բողոքարկման ենթակա չէ»,- հայտարարել է դատավորը:

Թե ի՞նչ պատժի կարժանանա 58-ամյա բժիշկը, պարզ կդառնա նոյեմբերի 29-ին: Իսկ մինչ այդ Մյուրեյը, որը մինչ վճիռը ազատության մեջ էր` ԱՄՆ տարածքից դուրս չգալու ստորագրությամբ, կգտնվի ոստիկանների հսկողության տակ, ընդ որում` առանց գրավի դիմաց ազատ արձակվելու հնարավորության:

Բժիշկը հանգիստ է ընդունել դատավճիռը, նրա ձեռքերին ձեռնաշղթան են հագցրել ու դուրս բերել դատարանի դահլիճից:

Մայքլ Ջեքսոնը մահացել էր 2009-ի հունիսի 25-ին. երգչի սիրտը կանգ էր առել ուժեղ ազդեցությամբ դեղորայքի մեծ չափաբաժնի պատճառով: