Բյուջեն պետք է պահպանի իր սոցիալական ուղղվածությունը

2012 թվականի պետական բյուջեն նույնպես պետք է լինի իրատեսական, պահպանի իր սոցիալական ուղղվածությունը եւ հնարավորություն ընձեռի ապահովելու հանրապետության զարգացման դինամիկ տեմպերը. այսօր նշել է Արցախի նախագահ Բակո Սահակյանը ընդլայնված խորհրդակցության ժամանակ, որին մասնակցել են Ազգային ժողովի խոսնակ Աշոտ Ղուլյանը, վարչապետ Արա Հարությունյանը, պատգամավորներ, կառավարության անդամներ, պաշտոնատար այլ անձինք:

ԼՂՀ նախագահի աշխատակազմի տեղեկատվության գլխավոր վարչությունից հայտնում են, որ հաջորդ տարվա պետական բյուջեի ձեւավորման հետ կապված հարցերի քննարկման ժամանակ նախագահը գոհունակություն է հայտնել բյուջեի ձեւավորման գործում օրենսդիր եւ գործադիր մարմինների սերտ համագործակցության կապակցությամբ` նշելով, որ կարեւորագույն այս փաստաթղթի մանրակրկիտ քննարկումները ավելի հավասարակշռված են դարձնում այն: