Լինում է, չի լինում. պատմում է փոխնահանգապետը

Տոմսկում հոկտեմբերի 16-ին «Կարդում ենք միասին, կարդում ենք բարձրաձայն» նախաձեռնության շրջանակներում` մանկապատանեկան գրադարանում, Տոմսկի նահանգապետի սոցիալական քաղաքականության գծով տեղակալ Վլադիմիր Սամոկիշը երեխաների համար կընթերցի հայկական ժողովրդական հեքիաթներ: Միջոցառմանը մասնակցելու են քաղաքի հյուրերն ու բնակիչները:

Ռուսաստանի հայերի «Երկրամաս» թերթը գրում է, որ փոխնահանգապետը նաեւ երեխաներին կբացատրի ընթերցածի հիմնական գաղափարը, մասնավորապես`  ինչ են սովորեցնում հեքիաթները, կփորձի զուգահեռ անցկացնել հայկական հեքիաթների, ինչպես նաեւ աշխարհի այլ ժողովուրդների հեքիաթների միջեւ, այդ թվում` նաեւ ռուսական: