"12-րդ գիշերը"` Շեքսպիրյան փառատոնում

2011թ. հոկտեմբերի 14-29-ը Երևանում կանցկացվի Վ. Փափազյանի անվան Շեքսպիրյան միջազգային թատերական փառատոնը:

Փառատոնը, որ վաղուց դարձել է մեր մշակութային կյանքի կարևորագույն էջերից մեկը, միաժամանակ ձեռք բերելով միջազգային մեծ ճանաչում, անցած տարվանից դարձավ Շեքսպիրյան փառատոների եվրոպական ցանցի անդամ:

Ինչպես տեղեկացանք միջոցառման կազմակերպիչներից, փառատոնի առանցքը կդառնա անգլիացի աշխարհահռչակ բեմադրիչ Դեկլան Դոնելլանի «12-րդ գիշերը» հանրահայտ բեմադրությունը, որը նա իրականացրել է Մոսկվայում` Ռուսաստանի հայտնի դերասանների հետ` Ա. Ֆեկլիստով, Մ. Ժիգալով, Ի. Յասուլովիչը և այլք:

Փառատոնի փակումը տեղի կունենա հոկտեմբերի 29-ին` օպերայի եւ բալետի ազգային ակադեմիական թատրոնում` «Ռոմեո եւ Ջուլիետ» բալետային բեմադրությամբ: