Անվանական կրթաթոշակ` ուսանողներին

Նոր ուսումնական տարվանից Ղարաբաղում անվանական կրթաթոշակ կստանան նաեւ միջին մասնագիտական ուսումնական հաստատությունների ուսանողները։

Ինչպես հայտնում են Արցախի նախագահի տեղեկատվության գլխավոր վարչությունից, նախագահ Բակո Սահակյանն այսօր ստորագրել է հրամանագիր, ըստ որի՝ ԼՂՀ միջին մասնագիտական ուսումնական հաստատություններում ուսման մեջ գերազանց առաջադիմություն եւ հասարակական ակտիվություն ցուցաբերած ուսանողներին խրախուսելու նպատակով 2011-2012 ուսումնական տարվանից սահմանվում է անվանական կրթաթոշակներ` յուրաքանչյուրը 20 (քսան) հազար դրամ գումարի չափով: Հաստատվել է կրթաթոշակներ տրամադրելու կարգը։

Նախագահը կառավարությանը հանձնարարել է ապահովել համապատասխան ֆինանսական միջոցների հատկացումը: