Ֆինանսական սկանդալ Իրանում. ձերբակալվել է 22 բանկիր

Իրանի գլխավոր դատախազ Հոսեյն Մոսհեյն-Էջայը հանդես է եկել Իրանի պատմության մեջ ամենախոշոր բանկային խարդախության բացահայտմամբ:

Սկանդալում ներառված է պետական եւ մասնավոր 7 բանկ. տեղեկացնում է mignews.com-ը:  Ֆինանսական հանցագործներին հաջողվել է գողանալ ավելի քան 2,8 մլրդ դոլարի պետական միջոցներ: Պետական վարկերի ստացման համար կեղծվել են ֆինանսական փաստաթղթեր, իրանական ձեռնարկությունները սեփականաշնորհվել են դրածոների միջոցով:

Գլխավոր դատախազը հայտարարել է 22 բանկիրի ձերբակալության մասին, նաեւ նշել, որ միջոցներ են ձեռնարկվում խարդախության հետ կապ ունեցող բոլոր անձանց փախուստը երկրից կանխելու համար: Հայտարարվել է, որ հանցագործները խստորեն պատժվելու են` անկախ սոցիալական դիրքից ու պաշտոնից: