Համտեսեք ամենաերկար շտրուդելից

Հանրապետության հրապարակի «Արմենիա Մարիոթի» բացօթյա սրճարանն այսօր ամբողջովին երիզված է 36 մետրից ավելի երկարություն ու 150 կիլոգրամ քաշ ունեցող շտրուդելով: Թխվածքը վիեննական ձևով պատրաստելու համար երեք խոհարարներն աշխատել են չորս օր:

Երևանցիներն այսօր մինչև ժամը 18.00-ն հնարավորություն ունեն համտեսելու Կովկասում պատրաստաված ամենամեծ շտրուդելը: Վճարելով մեկ կտորի դիմաց 500 դրամ` շտրուդելի բոլոր սիրահարները կստանան «Ավստրիական ավիաուղիների» և «Երևան Մարիոթի» սահմանած խաղարկությանը մասնակցելու կտրոն:

«Ամենաերջանիկ զույգը» հնարավորություն կստանա մեկնել Վիեննա ու երկու գիշեր մնալ բարձրակարգ հյուրանոցում: Ակցիայի կազմակերպիչները խոստանում են, որ խաղարկության մյուս մասնակիցները ևս ձեռնունայն չեն վերադառնա: