Իրանը ծովից սպառնում է ԱՄՆ-ին

Իրանը մտադիր է ռազմանավեր ուղարկել դեպի ԱՄՆ ատլանտյան ափերը. տեղեկացնում է IRNA գործակալությունը:

«Ինչպես ինքնագոհ ուժերը, որոնք ներկա են մեր ծովային սահմանների մոտ, մենք նույնպես ամերիկյան ծովային սահմանների մերձակայքում կապահովենք մեր հզոր ներկայությունը»,- իրանա-իրաքյան պատերազմի 31-րդ տարելիցին նվիրված արարողության ժամանակ հայտարարել է Իրանի ռազմածովային ուժերի փոխծովակալ Հաբիբոլլա Սայարին:

Նա, սակայն, չի մանրամասնել, թե երբ է դա տեղի ունենալու, ինչ տիպի եւ քանակի նավեր են գործի դրվելու:

Հիշեցնենք, որ մի քանի ամիս առաջ Իրանը երկու ռազմանավ էր ուղարկել Սիրիա` Սուեզի ջրանցքով: Դա մի քանի տասնամյակների ընթացքում առաջին դեպքն էր, երբ իրանական նավերը մտել էին Միջերկրական ծով: