Հավատացյալ չեն, ընդհակառակը

Դիլիջանում տեղի ունեցած հերթական ինքնասպանության դեպքն այս անգամ, կարծես, կապված չէ աղանդավորական որեւէ հոսանքի հետ: Ինքնասպանություն գործած Գայանե Մնացականյանն ու նրա զավակները, ըստ նախնական վարկածի, աղանդավորներ չեն եղել. նման կասկածներ առաջացել էին այն բանից հետո, երբ տան հատակին կոտրված ու թափված սրբապատկերներ էին գտել:  Իսկ երբ հիվանդանոցում նրանց հարցրել են` հավատացյա՞լ եք,  պատասխանել են` «ոչ, ընդհակառակը»:

Այսինքն` այնքան վատ վիճակում են եղել, որ անգամ Աստծուց են խռովել ու, ի նշան բողոքի, նետել են սրբապատկերները:

Դիլիջանցիները, սակայն, որպես ինքնասպանության հիմնական պատճառ, մատնանշում են ոչ այնքան սոցիալական կացությունը, որքան հոգեկան անհավասարակշիռ վիճակը: