Մարիինյան թատրոնի նվերը անկախ Հայաստանին

Օպերայի և բալետի ազգային ակադեմիական թատրոնում երեկ հանդես եկավ Մարիինյան թատրոնի սիմֆոնիկ նվագախումբը` գեղարվեստական ղեկավար և գլխավոր դիրիժոր Վալերի Գերգիևի ղեկավարությամբ:

«Շատ ուրախ եմ, որ անկախության օրերին գտնվում եմ Հայաստանում, և հպարտ եմ, որ անկախության օրերի շրջանակներում ես հնարավորություն ունեցա համերգով հանդես գալու և շնորհավորելու»,- ասաց Գերգիևը` հույս հայտնելով, որ հայ դասական երաժշտությունը նմանատիպ համերգներով մի օր հանդես կգա նաև Սանկտ Պետերբուրգում:

Մարիինյան թատրոնի սիմֆոնիկ նվագախումբը Ռուսաստանի ամենահին նվագախմբերից է, որի պատմությունը սկիզբ է առնում Սանկտ Պետերբուրգի առաջին նվագախմբից և շարունակվում է ավելի քան 200 տարի: