Փնտրում են Սպիտակ տանը սպառնացողին

ԱՄՆ Սպիտակ տան Facebook-յան էջում 2001 թվականի սեպտեմբերի 11-ի ահաբեկչության տարելիցի օրը մի քանի սպառնալից հաղորդագրություններ են գրվել. հաղորդում է BBC-ն:

«Մենք կգանք 2011-ի սեպտեմբերի 11-ին` բոլորիդ սպանելու համար»,- գրված է եղել  հաղորդագրություններից մեկում: Դրանցից մեկին կցված է եղել նաեւ Ուսամա բեն Լադենի լուսանկարը: Այս հաղորդագրություններն անմիջապես ջնջվել են էջից:

Պետության առաջին դեմքերի անվտանգությամբ զբաղվող գաղտնի ծառայության ներկայացուցիչ Էդ Դոնովանը հայտարարել է, որ կասկածելի հաղորդագրությունների հարցով զբաղվելու է իր ղեկավարած կառույցը եւ փորձելու է հայտնաբերել դրանց հեղինակին: