Amazon-ը էլեկտրոնային գրադարան է բացում

Աշխարհի խոշոր ինտերնետ-խանութներից մեկը` Amazon.com-ը, դիմել է հրատարակչություններին նոր թվային գրադարան բացելու առաջարկով. տեղեկացնում է The Wall Street Journal-ը:

Դեռեւս քննարկվում է վճարովի ծառայություն մատուցելու մասին առաջարկը, այսինքն` գրադարանից օգտվելու համար անհրաժեշտ է հաշիվ բացել եւ մեկ տարվա համար համապատասխան չափով գումար փոխանցել:

Դեռեւս հայտնի չէ, թե այս գործում ներդրումների չափը որքան կլինի եւ ովքեր կլինեն հիմնական ներդրողները: Նշվում է, որ արդեն շատ հրատարակչություններ մերժել են Amazon-ի առաջարկը` պատճառաբանելով, թե էլեկտրոնային գրադարանը մեծապես կնվազեցնի տպագիր գրքերի վաճառքը: