ԱՄՆ ոստիկանները ձերբակալել են 17-ամյա ահաբեկչի

ԱՄՆ Ֆլորիդա նահանգի Տամպա քաղաքի ոստիկանությունը կասեցրել է քաղաքի պատմության, հնարավոր է, ամենասարսափելի ահաբեկչություններից մեկը, որը Freedom ավագ դպրոցում մտադրվել էր իրականացնել դրա աշակերտներից մեկը. տեղեկացնում է CNN-ը:

32 մարդու, այդ թվում` դպրոցի ղեկավարության սպանության ծրագիրը մշակել էր 17-ամյա Ջարեդ Կանոն` բառացիորեն ըստ րոպեների: Հաջորդ երեքշաբթի սկսվող ուսումնական տարվա առաջին իսկ օրը նա մտադիր էր պայթեցնել դպրոցի ողջ տարածքում տեղադրված պայթուցիկ սարքերը:

Տղայի ձերբակալությունից հետո նրանց տանը կատարված խուզարկության ժամանակ ոստիկանները հայտնաբերել են այն նյութերը, որոնցից նա պայթուցիկ սարքեր էր պատրաստել:

Թե ի՞նչ պատիժ է կրելու 17-ամյա պատանին, դեռ պարզ չէ: