Մահացել է դերասանուհի Դոնարա Մկրտչյանը

Հուլիսի 15-ին կյանքի 70-րդ տարում իր մահկանացուն կնքեց Գ. Սունդուկյանի անվան ազգային ակադեմիական թատրոնի դերասանուհի Դոնարա Մկրտչյանը. տեղեկացնում են ՀՀ մշակույթի նախարարությունից:

Նա 1970-ականների ճանաչված ու սիրված դերասանուհիներից էր:

Դոնարա Մկրտչյանը մայր թատրոնի բեմում հանդես է եկել շուրջ 10 /«Աշխարհն այո, շուռ է եկել», «Ծիրանի ծառ», «Պաղտասար աղբար», «60 տարի և 3 ժամ», «Սալեմի վհուկները», «Հանրապետության նախագահը» և այլն/ ներկայացումներում, զուգահեռաբար նկարահանվել է նաև կինոյում /«Շրթներկ N4», «Մհերի արկածները...», «Խաթաբալա», «Կովկասի գերուհին»/:

Ավագ հեռուստադիտողն այսօր էլ հիշում է «Գարնանային կատակներ» հեռուստաշարքը, որում դերասանուհին հանդես էր գալիս հումորի մեծ զգացումով ու անմիջականությամբ: