ԺՈՂՈՎՈՒՐԴ. Արման Սահակյանը` անելանելի իրավիճակում

Պետական գույքի կառավարման վարչության մեր աղբյուրներն ահազանգում են, որ նորանշանակ պետը` ԱԺ նախկին պատգամավոր Արման Սահակյանը, պարզապես հայտնվել է անելանելի իրավիճակում:

Մասնագիտությամբ ռեժիսոր Սահակյանը չի կարողանում ինքնուրույն կողմնորոշվել իր նոր աշխատանքում, քանի որ առնչություն ունի թվերի հետ: Ու Սահակյանին օգնելու են գալիս նրա ընտանիքի անդամները` հոր` Գալուստ Սահակյանի գլխավորությամբ, եւ անգամ հոր վարորդը:

Արման Սահակյանը թերթի հետ հեռախոսազրույցում, սակայն, հերքեց այս տեղեկությունները: Ասաց, որ ինքը, բացի ռեժիսորական կրթությունց, սովորել է նաեւ Պետական կառավարման ակադեմիայում: Ավելին` երկար տարիներ աշխատել է բարձր պաշտոններում: