Կաթողիկոսն այցելել է հայկական եկեղեցիներ

Վիրահայոց թեմ հովվապետական այցի ընթացքում Ամենայն Հայոց կաթողիկոս Գարեգին Բ-ն այցելել է Թբիլիսիի Մուղնեցոց Սբ Գեւորգ եւ Նորաշեն եկեղեցիներ:

Ինչպես «Երկիր»-ին հայտնեցին Թբիլիսիից, Վեհափառը վրաց պատրիարք Իլյա Երկրորդի հետ հանդիպումից անմիջապես հետո գնացել է Սբ Նորաշեն: Նրան, բացի Հայ Առաքելական եկեղեցու հոգեւոր սպասավորներից, ուղեկցել են նաեւ Վրաց Ուղղափառ եկեղեցու հոգեւորականները: Այնտեղից Ամենայն Հայոց կաթողիկոը այցելել է Մուղնեցոց Սբ Գեւորգ, շրջել տարածքում, ծանոթացել է այնտեղ կատարվող աշխատանքերին: Հիշեցնենք, որ եկեղեցու փլուզումից հետո վրացական կողմը այնտեղ պեղումներ է իրականացնում:

Ներկա պահին Ամենայն Հայոց կաթողիկոսը Ջավախքում է` պատրիարք Իլյա Երկրորդի ուղեկցությամբ: