ՌԴ ԱԳՆ-ն կոչ է անում չհետաձգել կարգավորման սկզբունքների համաձայնեցումը

Ղարաբաղյան հակամարտության կարգավորման սկզբունքների համաձայնեցումը հետաձգելը եւ հռետորաբանությամբ զբաղվելը «հակաարդյունավետ է». այսօր հայտարարել է Ռուսաստանի ԱԳՆ պաշտոնական ներկայացուցիչ Ալեքսանդր Լուկաշեւիչը:

«Շատ մեծ հույսեր կան, որ նախագահների` Դովիլում արած հայտարարությունը կօգնի կողմերին գիտակցել այն սահմանը, որին հասել է քաղաքական կարգավորման գործընթացը: Հետո կդրվի հիմնարար սկզբունքների ընդունման կոնկրետ խնդիր»,- ասել է նա:

Ըստ Լուկաշեւիչի` նախագահների ուղերձն այն է, որ հարկավոր է պայմանավորվածություն ձեռք բերել, ընդունել սկզբունքները եւ աշխատել մեծ փաստաթղթի մշակման վրա, որն էլ կսահմանի կարգավորման պարամետրերը: