Շնորհակալ են հիստերիկ վերաբերմունքի համար

ԱԺ ՀՅԴ խմբակցության ղեկավար Վահան Հովհանիսյանի համոզմամբ` ՀԱԿ-ին քննադատության համար նոր թիրախ է հարկավոր, եւ հենց դրանով է պայմանավորված Լեւոն Տեր-Պետրոսյանի վերջին ելույթում Դաշնակցության հասցեին հնչած քննադատությունը:

«Իշխանության եւ ՀԱԿ-ի երկխոսության արդյունքն արդեն զգացվում է: Նրանք համատեղ հարձակում են սկսել ՀՅԴ-ի վրա: Բայց մենք շնորհակալություն ենք հայտնում հիստերիկ եւ անհիմն հարձակումների վրա»,- այսօր ամփոփելով գարնանային նստաշրջանը` ասաց Վահան Հովհաննիսյանը:

Նա այս ամենին նորմալ է վերաբերվում, ավելին` գոհ է, որ, այսպիսով, Հայաստանում գաղափարական պայքար է սկսվում:

Իսկ ՀԱԿ առաջնորդ Լեւոն Տեր-Պետրոսյանի նման վերաբերմունքը Վահան Հովհաննիսյանը պայմանավորում է  հանրահավաքից հանրահավաք մասնակիցների թվի նվազմամբ: Խմբակցության ղեկավարի համոզմամբ` ՀԱԿ-ը պարզապես փորձում է երկխոսությունից շեղել ժողովրդի ուշադրությունը եւ հենց այդ նպատակով էլ քննադատության նոր թիրախ է փնտրում: