Աննկուն գնդապետ Քադաֆին

Լիբիայի առաջնորդ Մուամար Քադաֆին հերթական անգամ հայտարարել է, որ մտադիր չէ լքել երկիրը. տեղեկացրել է Հարավաֆրիկյան Հանրապետության նախագահ Ջեյկոբ Զուման, որը երեկ այցելել էր Ջամահիրիայի ղեկավարին:

Նրա խոսքերով` Քադաֆին մինչեւ վերջ պայքարելու վճռականություն է հայտնել եւ խնդրել է, որ ոչ ոք չփորձի միջամտել:

Քադաֆիի հրաժարականը եւ երկիրը լքելը ապստամբների գլխավոր պահանջն է: Վերջիններս ՆԱՏՕ-ի օդուժի եւ Արեւուտքի ռազմական խորհրդականների ակտիվ աջակցությամբ պայքարում են լիբիական կանոնավոր բանակի դեմ: Իսկ Իտալիայի արտգործնախարար Ֆրանկո Ֆրատինին ապստամբների կենտրոն` Բենգազի, այցի ժամանակ խոստացել է վառելիք մատակարարել նրանց, նաեւ բավական խոշոր գումար տրամադրել Քադաֆիի սառեցված ակտիվներից: