Պուտինը կմասնակցի՞ նախագահական ընտրություններին

Ռուսաստանի վարչապետ Վլադիմիր Պուտինը մայիսի սկզբին հայտարարել էր խորհրդարանական ընտրություններից առաջ Համառուսաստանյան ազգային ճակատ ստեղծելու մասին:

Ինչպես հաղորդում է «Ինտերֆաքսը», Պուտինն այսօր հայտարարել է, որ այդ նույն թիմով շարունակելու է աշխատել նաեւ ընտրություններից հետո:

«Այս միտքն ինձ մոտ ծնվեց Դումայի ընտրություններին նախապատրաստվելու առաջին փուլում: Սակայն, կարծում եմ, որ խորհրդարան մտնելով, չպետք է սահմանափակվենք»,- ասել է նա:

Ազգային ճակատի ի հայտ գալը շատ փորձագետների կողմից մեկնաբանվել է այսպես` Պուտինը հայտարարում է իր` նախագահական ընտրություններին մասնակցելու հավանականության մասին: