Առեւանգված էստոնացիները օգնություն են խնդրում

Լիբանանում դեռեւս մարտ ամսին առեւանգված էստոնացի 7 զբոսաշրջիկները օգնություն են խնդրում եւ նշում, որ իրենց կյանքին վտանգ է սպառնում: Նրանց տեսագրությունը տեղադրվել է այսօր www.4share.com կայքում:

«Այսօր 2011 թվականի մայիսի 16-ն է. մենք բանտում ենք արդեն 54 օր: Շատ դժվար է, մենք շատ ենք հոգնել եւ մեզ մեծ վտանգ է սպառնում»,- ասել է առեւանգվածներից մեկը եւ խնդրել հարազատներին ու ծանոթներին ճնշում գործադրել էստոնական կառավարության վրա, որը «այլեւս չի ցանկանում օգնել»:

Լիբանանի իշխանությունները ենթադրում են, որ նրանց պահում են Սիրիայում:

Էստոնիայի ԱԳ նախարար Ուրմաս Պաետը դիմել է արաբական տարբեր երկրների կառավարությունների` խնդրելով աջակցություն ցուցաբերել առեւանգված էստոնացիներին ազատ արձակելու գործում: