Պուտինը ուշանալու սովորություն ունի

ՌԴ նախագահ Դմիտրի Մեդվեդեւը կատակել է, թե վարչապետ Վլադիմիր Պուտինը ուշանալու սովորություն ունի:

Պետերբուրգում կազմակերպված միջազգային իրավաբանական ֆորումի ժամանակ մոդերատոր, Գերմանիայի նախկին կանցլեր Գերհարդ Շրյոդերն ասել է, թե պետք է նիստը սկսել, որպեսզի հետո մասնակիցները ճաշից չուշանան:

«Մենք Գերմանիայում չենք, մեզ մոտ ընդունված է մի քիչ ուշանալ: Դուք գիտեք դրա մասին: Թեեւ այդ առումով ես բացառություն եմ»,- ի պատասխան Շրյոդերի ասել է Մեդվեդեւը:

Ինչպես գրում է Gazeta.ru-ն, Պուտինի ուշանալու սովորության մասին լրատվամիջոցները բազմիցս գրել են: Նա նույնիսկ 2003-ին, երբ դեռեւս նախագահ չէր, ուշացել է Բրիտանիայի թագուհու հետ հանդիպումից: