"Զվարթնոց" օդանավակայանում ռումբ չի հայտնաբերվել

«Զվարթնոց» օդանավակայանում որոնողական աշխատանքների արդյունքում ռումբ չի հայտնաբերվել:

Օդանավակայանի հանրային կապերի պատասխանատու Գեւորգ Աբրահամյանը «Երկիր»-ին հայտնեց, որ օդանավակայանը վերադարձել է իր բնականոն աշխատանքին:

Հիշեցնենք, որ ցերեկը արտակարգ իրավիճակների նախարարության Ճգնաժամային կառավարման կենտրոնում Երեւանի Կենտրոն ոստիկանության հերթապահ մասից տեղեկատվություն էր ստացվել, որ անհայտ քաղաքացու ահազանգի համաձայն` Երեւանի «Զվարթնոց» օդանավակայանում ռումբ է տեղադրված:

Արտակարգ իրավիճակների նախարարության, ոստիկանության, ազգային անվտանգության ծառայության աշխատակիցների եւ պաշտպանության նախարարության սակրավորների իրականացրած որոնողական աշխատանքների ընթացքում բոլոր ուղեւորները եւ աշխատակիցները տարհանվել էին: Ժամանակավորապես կասեցվել էին 3 ժամանող եւ 2 մեկնող չվերթեր, մյուսները` հետաձգվել էին: