Հանդիպում ֆրանսիացի խորհրդարանականների հետ

Երեկ Ֆրանսիայում աշխատանքային այցելությամբ գտնվող արտգործնախարար Էդվարդ Նալբանդյանը հանդիպում է ունեցել Ֆրանսիայի Սենատի անդամների եւ Ազգային ժողովի պատգամավորների հետ:

Հանդիպման ընթացքում երկուստեք բարձր գնահատական է տրվել հայ-ֆրանսիական բարեկամական հարաբերություններին, երկու երկրների խորհրդարանների միջեւ հաստատված սերտ համագործակցությանը, խորհրդարանական բարեկամության խմբերի գործունեությանը:

Էդվարդ Նալբանդյանը ֆրանսիացի խորհրդարանականներին ներկայացրել է հայ-ֆրանսիական հարաբերությունների զարգացման ուղղությամբ ձեռնարկվող քայլերը, Հայաստանի արտաքին քաղաքականության առաջնահերթություններն ու հիմնական ուղղությունները, տարածաշրջանային խնդիրների կարգավորման ուղղությամբ գործադրվող ջանքերը:

Հանդիպումից անմիջապես հետո Էդվարդ Նալբանդյանը մեկնել է Վաշինգտոն, որտեղ հանդիպումներ է ունենալու Միացյալ Նահանգների բարձրաստիճան ներկայացուցիչների հետ: