Նախագահի հրամանագրով

Արցախի նախագահ Բակո Սահակյանի այսօրվա հրամանագրերով՝ Արցախի Հանրապետության Պաշտպանության բանակի հրամանատարի թիկունքի գծով տեղակալ-թիկունքի պետ, գնդապետ Նելսոն Սողոմոնյանին եւ ՊԲ N զորամասի հրամանատար, գնդապետ Կամո Վարդանյանին շնորհվել է գեներալ-մայորի զինվորական կոչում:

Նախագահի մեկ այլ հրամանագրով՝ բարեգործական նշանակալի գործունեության, հանրապետությունում ֆուտբոլի զարգացման գործում ունեցած ավանդի համար եւ Հաղթանակի, ԼՂՀ պաշտպանության բանակի օրվա, Շուշիի ազատագրման 19-րդ տարեդարձի կապակցությամբ ՀՀ Ազգային ժողովի պատգամավոր, Հայաստանի Հանրապետության ֆուտբոլի ֆեդերացիայի նախագահ Ռուբեն Հայրապետյանը պարգեւատրվել է «Երախտագիտություն» մեդալով:

Բակո Սահակյանը Արցախյան գոյամարտի ֆոտոլուսաբանման գործում ունեցած նշանակալի ավանդի համար եւ Հաղթանակի, ԼՂՀ պաշտպանության բանակի օրվա, Շուշիի ազատագրման 19-րդ տարեդարձի կապակցությամբ «Երախտագիտություն» մեդալով պարգեւատրել է նաեւ ֆրանսահայ լուսանկարիչ, «Նուվել դ'Արմենի» ամսագրի թղթակից Մաքս Սիվասլյանին: